Apagmaragul mu bang Kapampangan ka?

E ku lubus aisip, ampong e ku aintindian!

Makananu nang ayagyuan ning kekatamung presidente – o pakibalak mu man, na magin yang kongresista kaybat nang miras king pekamatas a luklukan ning kekatamung bansa?!

E ku balu nung penamdaman yu, pero aku balamu metampaling ku! Bilang metung a Pilipino… bilang metung a Kapampangan.

Ala ya man kanung lebagan a batas. Sabi da ring mayap tamung mambabatas, legal ya kanu ing gewa ning kekatamung presidente. Ing babawal na mu ning kekatamung batas, ing tagal ya pasibayung presidente ing metung a makalukluk.

PERO! e na babawal na ing presidente tagal ya pang aliwang posisyon, adyang pang mababa ya pa.

E da ka ‘ta minurit kanita?!

Lunto kaniti, kasalanan da pa retang minunang memalangkas king kekatamung konstitusyon. Pekibalak da na ing metung a presidente, pota talnan neng malambat ing posisyon, kalupa ning milyari kang Marcos kanita. Mu pin, e da pekibalak na ing presidente tagal ya pang aliwang posisyon.

Siguro, e da isip-isipan kanita na ating matinung presidente a mamalak tagal pang mas mababang posisyon kaybat nang milukluk king pekamatas a bangko.

Ulitan ke ne – “Alang matinung presidente ing magnasa pang mas mababang posisyon kaybat nang milukluk king pekamatas!”

Balamu ustu no man, ne?

Dakal a sasabi, metung ya kanung paralan ini ba yang maka-”kalawat” king upaya… king miyayaliwa nang kasasangkanan.

Atin nang, ba yang mikaproteksyon kareng asunto ampong kaso a ibalandra da kaya kareng mengapalyari king administrasyon na, potang ali ne presidente.

Atin namang sasabing, balamu “stepping stone” ya ini papunta king gobyernong “parliamentary” a nung nukarin ing kekatamung kasalukuyang presidente, mitutuk ya bilang prime minister kanita.

Makatakut!

Kasi pin po, keng gewa nang Gloria balamu maragul yang kamarinayan kekatamu. O’neng medyu melunus ku king sarili ku, anya pelitan ke.

Ngeni pu, ing buong Pilipinas… i-abe mu ne ing buong yatu, makabande ampong makalawe kareng Kapampangan… kekatamung Kapampangan, pabusten tamu ing buri dang malyari? O kimut tamu’t tuldukan na ing pamamuklat ning makatakot a istorya ning kekatamung bansa.

Sana mu, kaybat ning eleksyon… makapagmaragul tamu pang Kapampangan.

Advertisements

Responses

  1. Bulag namu ing e manakit ketang gagawan ng Gloria. Halatado ng Masyado. Pakatandalan namu sana ning ganaganang botante keni king Pilipinas karas Mayo 10 , Ita mu ing aldu nung san , ing makwalta ampung kalulu , pante pante. Kayari nita. magbalik ta na naman keng dati. Nya sana pag aralan tang masalese nung ninu ing iboto tamu. E kayu padala kareng mameye pera , abyas , o nung nanu nanu man. ( 6 ) anam na Banwa ing kapalit nyan. Magsilbi sanang leksyon ing milyari keng Ampatuan Magiundanao Massacre. Magbayu tana Pilipinas!

  2. Apagmaragul ku bang kapampangan ko?! Siguru king alwang aspetu, Wa Apagmaragul kung kapampangan ku. Uling bilang peparagul daku reng pengari ku na maging mayap kareng alwa, mapagkumbaba at responsableng memalen. metung pa, lalu na eni maka-saudi ku apapalto kung ing kanakung abilidad kareng alwang lahi kaya apagmaragul kung kapampangan ku.

    Pero kung politika ing pisasabyan, lalu na kung tungkul kang gloria. Siguru eku apagmaragul yan. bagama’t metung yang tune memalen ing kekatamung presidenti uling kareng ala keng kamatulirang pangawan na, eke atalakad ing bandera da reng kapampangan. eke tuturusan, eke tatalikdan pero sana mu pin aisip na ing kayang pangawan at pangangalakwit keng kayang upaya.

    Sabi napin tatang ku anyang talwi kung minuli. Ala ne keng sarili na i gloria ana, Murit ne. gagawa ya kanung paralan bang ede panagalan ding taung maka-kontra kaya.

    Istu ya ba i tatang ku atse o koya?

    Para kanaku sang-ayun ku king sinabi ng tatang ku., nanung palage mu?

  3. palage ku pu aliwa ngan i gloria ing maki gagawan kanyan…siguru manga patustusan ya keng asawa na,at palage ku aliwa iya ing kinurakut keng gobyernu ing asawa na…kasi pu balu ku kareng kapampangan…pa una re ing kamarinayan da kesa keng pera…i just dont know if that’s still true kareng aliwa…sana metutu nemung mag say NO keng kaburian ning asawa na…anyway,makanyan paman..atin ya murin pung agawang mayap keng bansa,lalu na keng pampanga…compare kareng minunang presidenti kaya…ala lang gewa para keng kapakanan da reng kapampangan…


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: